Кырым низагы. Вакыйгалар дисбесе

КЫРЫМ БЕЛӘН УКРАИНА ХАТ АЛЫША--

Хатларны кешеләр генә түгел, ә илләр һәм төбәкләр дә алыша икән. Менә, мәсәлән, Кырым (әнисеннән киткән бала) Украина (үги ана) белән хат алыша. Әйтергә кирәк, әлеге язышу кешеләрдән дә үтемлерәк итеп язылган. Тарих, сәясәт, икътисад - барысы бергә. Вакытыгыз булса укып алыгыз :)

РУСИЯ ДЕПУТАТЛАРЫ "КЫЗДЫРА" [ВИДЕО]--

ЛДПРның Әстрәхән депутатлары Кырымның "кайтуы" турында җыр чыгарып клип төшергән. Комментарсыз :)

Бу иҗат әһелләре әле Евромәйданга да битараф калмаган.
​

КЫРЫМНЫҢ ЭЛЕККЕ МИНИСТРЫ НОН-ГРАТА ДИП ИГЪЛАН ИТЕЛДЕ--

Кырымның үзешчән хакимияте элекке туризм һәм курортлар министры Александр Лиевны нон-грата дип игълан итте һәм ярымутрауга керүне тыйды. Лиевның Кырымда гаиләсе яши, балалары шундагы мәктәп һәм бакчага йөриләр. Элекке министр милләте буенча рус. Менә фейсбуктагы сәхифәсендә ул бу хакта нәрсә яза:

КЫРЫМТАТАРЛАРЫ ҮЗ РЕФЕРЕНДУМЫН УЗДЫРУ ТУРЫНДА--

Мәҗлес вәкиле Абдураман Эгиз үзбилгеләнү референдумын уздыру турында сөйли.

​ Ачылмаса, монда чирттерегез.

УКРАИНАНЫҢ СОҢГЫ КЫРЫМ ТОТКЫНЫ ЧЫГАРЫЛДЫ--

Кырымда тотылган соңгы украин хәрбие азат ителде.

КЫРЫМ КӨНЬЯК ХӘРБИ ТӨБӘККӘ КЕРТЕЛДЕ--

Кырым ярымутравының Русия көньяк хәрби төбәгенә кертелүе хәбәр ителә.

АКШ КАРА ДИҢГЕЗГӘ ХӘРБИ КОРАБ ҖИБӘРӘ--

Кара диңгезгә АКШның Donald Cook хәрби корабы җибәрелә. Бу хакта Пентагонга сылтама ясап NBC телеканалы хәбәр итә. Эсминец ракетага каршы Aegis системасы белән җиһазландырылган.

Канал хәбәр иткәнчә, кораб Кара диңгезгә якынча киләсе атнада барып җитәчәк һәм Украинага ярдәм һәм теләктәшлек белдерү билгесе булачак.

Хәзерге вакытта Donald Cook Урта диңгез акваториясендә.

КЫРЫМДА РУСИЯ ХӘРБИ МАШИНАСЫ ТРОЛЛЕЙБУСНЫ БӘРДЕРГӘН [ВИДЕО]--

Акмәчеттә "Тигр" хәрби машинасы шәһәр троллейбусы белән юл казасына очраган.