Кырым низагы. Вакыйгалар дисбесе

Эшкуар Ленур Ислямов корылтайда чыгыш ясап милләт вәкилләрен "Казан сценариен" кабул итәргә чакырды.

Бакчасарайда кырымтатар халкы корылтаеның чираттан тыш җыены тәмамланды. Делегатлар Кырымдагы сәяси-иҗтимагый вазгыять һәм милли үзидарә төзү мәсьәләләрен тикшерде. Азатлык җыеннан туры трансляция тәкъдим ите.

Кырымтатар халкы корылтаеның шимбә көнне узган чираттан тыш җыены берничә карар кабул итте. Шуларның иң мөһиме – кырымтатар халкының Кырымда төп халык буларак үзбилгеләнү турындагы карар.

Кырымның үзешчән хакимиятендә катнашу-катнашмау мәсьәләсен корылтай Мәҗлес карамагына калдырды. Бу мәсьәләне Мәҗлес якшәмбе тикшерергә җыена.

Мәҗлес Кырымның танылмаган хакимиятенә кырымтатар вәкилләрен юллау мәсьәләсен карый башлады. Хәзергә исемлектә дүрт нәмзәт бар: Ленур Ислямов, Заур Смирнов, Ремзи Ильясов, Сафуре Каджаметова.

30 мартта Мәҗлес рәисе Рефат Чубаровның әтисе Абдураман Чубаров 84 яшендә вафат булды. Бу хакта хәбәр Мәҗлес утырышы вакытында килде. Утырыш туктатылды.

КЫРЫМГА МЕДВЕДЕВ КИЛДЕ--

Акмәчеткә Русия премьер-министры Дмитрий Медведев килде. Бу хакта ул үзенең Твиттерында хәбәр итә. Премьер Кырымның үзешчән хакимияте белән ярымутрауны үстерү турында фикер алышачак.

ПАСПОРТ ЯНДЫРУ [ФОТО]--

Шулай да була..

КЫРЫМДА ТАТАРСТАН ВӘКИЛЛЕГЕ АЧЫЛДЫ--

Татарстан президенты карары белән Кырымда республиканың даими вәкиллеге эшли башлады.
Вәкиллекне Илмир Тимергалиев, Кырым вице-премьеры Рөстәм Тимергалиевнең әтисе җитәкләячәк. Бу хакта президентның матбугат хезмәте хәбәр итә.